10958½

30 orbits around the Sun 🤎

Lyrics

Telugu

పదివేల తొమ్మిదొందల,
యాభై పై ఎనిమిదిన్నర.

పదివేల తొమ్మిదొందల,
యాభై పై ఎనిమిదిన్నర.
పసి పాలగుమ్మ చిందులా,
పడు అడుగులు చాలా చిన్నరా…

ఎగిరిపోయే రోజులన్నీ జేరి
వరుస వాలి వరుస గట్టి వారి
కథలు నన్ను చెప్పమంటూ కోరి
ముప్పదేళ్ల అనుభవాల దారి

సరే సరే అందామనుకుంటే,
అందనివెన్నెన్నో…

(ఇంతకీ, ఎన్ని రోజులయ్యింది?)

పదివేల తొమ్మిదొందల,
యాభై పై ఎనిమిదిన్నర!


నెరిసే చెంపలు దాగుడుమూతలు
ఆడుతున్నాయి కొత్తగా… హుఁ!
ఇక కలం తీసే కూనిరాగం,
ప్రేమిస్తా ఇది నాలో భాగం.

మెరిసే కెంపులు కురిపే దాతలు
వెతకనీకు కను మత్తుగా…
దాహం ఉన్నా విషము తాగం.
మనది కాని దాని కోసం ఆగం.

అద్దమబద్దము ఆడును అనక
కొద్దిగ సిద్ధము ఐతే గనక
జివ్వుమన్న వాస్తవాన మునక
ఇవ్వు దారి, రాదా నీకు వెనుక?

తేలికవునో కాదో తేలకున్నా
తీరికుంది తేరుకొందుకైనా
తేలుతానో లేదో తోచకున్నా
తేలిపోతుందిగా

(చాలా టైమ్ వుంది. అయ్యింది కొన్నేగా.)
(కొన్నంటే?)

పదివేల తొమ్మిదొందల,
యాభై పై ఎనిమిదిన్నర!

నా…
ప్రేమనందుకున్నదెంతమంది?
కొందరున్న చాలు తిరిగి పొంది
ఒప్పుకోకపొతే స్నేహ సంధి
తప్పదింక చేసేదేది వుంది?
ఎందరున్న నేను నమ్ముకుంది
నన్నే గనక లెదు ఏ ఇబ్బందీ
నాకు నేనె సేనా-సిబ్బంది, ఈ
మాట నాడు లోలో వెలిగింది
నాటి నుండి నెమ్మది చిలికింది
ఆలోచించుకోగా నిలిపింది
కాకపోతే కాస్త చెమట చింది
దారి దిద్దుకోక తప్పదంది, ఈ

అరనిమిషానికి చాలా జరిగింది…!

(30 seconds… Go, go!)

ఆ…
ఇరుగు పొరుగు ఇంట జోరు వింది
పరుగు పరుగు అంటే ఊరుకుంది
తరిగి తరిగి గుప్తమెరిగి వుంది
తిరిగి తిరిగి తృప్తి జేరుకుంది
చిరుగు పడితే సూదిదారముంది
మెరుగు పెడితె బుద్ధి సారం అంది
ఝరికి కరిగె కష్టం ఏది వుంది?
“జరిగి దరికిరా!” జవాబు అంది
విరిగి చెఱగిపోని కోరికుంది
పెరిగి పెరిగి జీవం అందుకుంది
ఎరిగి మరి గతాలు చిలికింది
సరిగ సిరిగ మారి ఊపిరందింది…
క్షణమే యేటై, మనమౌ పాటై,
మూడు పదులు ముప్పదేళ్ళ బాటై, ఈ
అరనిమిషంలో చాలా చాలా
చాలా చాలా
చాలా చాలా చాలా జరిగింది…!

-x-

Tinglish

Translation